Vienan Karjala

Kirjutukset vienankarjalakse

“Suguvastavundu” jätti hyvän mielen

Jessoilčat käydih Helsinkih, Lohjah, matkustettih laival Ruoččih // Kuva: Galina Vasiljeva

Kul’tuuruvuozi jatkuu, se suau eri kanzoin kul’tuurat yhteh. Kaikile hyvin tundietun Puškinan kyzymyksen “Tak slavno za morem il’ hudo?” himoittau kiändiä Siämärven folklourujoukon pajattajile, neroniekoile Nadežda Pajusovale, Nadežda Četv’ar’akovale, Belečevien molodoloile da heidy kannattajile jessoilčoile. Kai nämä rahvas, 37 hengie, käydih Suomeh Suguvastavundu-festivualih täl kezäkuul. Matku hommattih S’amozerje-joukon ohjuaju Ol’ga Vasiljeva da projektan ohjuaju Galina Hanenko. Matku festivualih oli mieldykiinnittäi: jessoilčat käydih Helsinkih, Lohjah, matkustettih laival Ruoččih toizien festivualin rahvahienke, kudamii oli kaksi sadua Ven’an da Suomen puolespäi.

Vastai meigäläzii rahvahii projektan ohjuaju Suomen puolel Seija Ulenius. Jo huondestu myöte Lohjan linnan eläjii nostatettih da kummatettih festivualin rahvas – čomis ruutis joukkoloil astujat heimovellet. Linnan ozutteluzualah oli pandu nägövih meigäläzien neroniekoin käziruaduo. Jällespäi kačoimmo Čalnan tansujoukon lapsien ezityksen, se oli tozi hyvä, illalhäi nämä lapset ezityttih jo “S’amozerjenke” yhtes Kanzallizes teatras. Omil pajoloil da tansuloil ilaškoittih rahvastu Mordvan da Udmurtien pajattajat, heijän “vagavua” kanzallistu kolorittua kadehtis joga suomelaine.

“Mibo on Suguvastavundu?”, kyzyttih suomelazet Galina Hanenkol. “Tämä on se, midä on sydämes, konzu vastuat gostii omas kois”, vastai naine.

Tämä Suguvastavundu-projektu jatkuu jo kaksikymmen vuottu, yhtistäy Udmurtien, Mordvan, Karjalan da Suomen neroniekkoi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat