Vienan Karjala

Kirjutukset vienankarjalakse

“Laučoil” lauččua ei painettu

“Laučoin” salbajazis pyhärveläzet rahvas ozutettih karjalaine svuad’bu. // Kuva: Jelena Filippova

“Laučoile” tuli suomelas-ugrilastu nuordu Ven’an eri čuppulois, Suomes da kai Espaniespäi. Viijen päivän aigah nuoret ehtittih ylen äijän ruadua Karjalan kielen koin hyväkse...

Nellänpiän, konzu jo ruattu oli nelli päiviä, nuoret ozutettih vieljärveläzile da kylän gostile, midä hyö ollah azuttu kodih niškoi. Lahjua annettavua kerdyi kudakui. Hyvin nägyy ruattih Etnostiili-joukon nuoret. Heijän džinsoin kormanilois azuttu kirjaimikko miellytti kaikkii. Džinsois kuvottih istundusijale piälyspiäline. Se istundusija, sanakse, azuttih rattahas. Džinsoin kormanilois, kudamat jiädih, sit luajittih kirjaimikko. 

Luajittih sežo kuda-midä veššii da čomendustu pertilöih. Sikse pättih vahnat hurstizet da zuavesit. Vahnua sobua ruvettih keriämäh vie Petroskois Nuorižon keskukses. Rahvas tuodih sidä, mi jo ei päi kois...

...Pajatettih sežo častuškoi, kudamii iče kirjutettih “Laičois” da vie hol’aitettih karjalakse tundietun ven’ankielizen pajon “O bože kakoi mužčina”, kudaman kiännettih yhtes...

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat