Vienan Karjala

Kirjutukset vienankarjalakse

Nouze lembi nostajes

Ehtäl viritettih suuri kokko. Kerdyi kokos piäliči hyppiäjiägi // Kuva: Ol'ga Smotrova

Nouze lembi nostajes, liiku lembi liikutes... Nämä sanat kuuluttih kogo päivän Uja-kohtas, kus 5. heinykuudu piettih Iivananpäivy. Jo tostu vuottu Karjalan Rahvahan Liitto auttau tämän pruazniekan pidämizes...

Enämbi pajattajii da syöndykohtii muanitti rahvastu omah puoleh suuri heinytukku. Ku kudžoimättähäs rouno tytöt da naizet vallittih siepäi čomii kukkii omih venkoih niškoi. Autettih rahvastu venkoin luajindas pruazniekan emändät – liittolazet Jelena Migunova da Natalja Sinitskaja...

Pruazniekku algavui lemmen nostamizes. Liittolazet Jelena da Natalja saneltih mi on lembi, kui sidä nostettih naizil da miehil, midä pidäy lembie nostajes da mittumii tiedohussanoi pidäy sanuo. Liittolazis ymbäri terväh kerdyi naistu da miesty, neidisty da brihua. Liittolazet kučuttih rahvasjoukospäi naimattomii naizii nostamah lembie – “kylvetettih” heidy kolmen tien tiešuaral katkottulois oksis kuvatul vastal, annettih kudžoimättähäs piettylöi muilupalazii, opastettih, midä pidäy sanuo lembie nostajes...

Kuni liittolazet naizet nevvottih rahvastu suvaičusdielolois, liittolaine briha, Jegor Karjalaini, opasti rahvastu kižuamah kyykkäh. Kerdyi kižapellole kaččojuagi, heile pidi olla tarkat kižua kaččojes: kebjiet kižavehkehet ajettih heidy lendäjes yhtes čupuspäi toizeh...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat