Vienan Karjala

Kirjutukset vienankarjalakse

Kino vepsäläzien kalastukses

Kinos ozutetah nuorii vepsäläzii neroniekkoi Piiterin alovehen Ladvan kyläspäi

Kino, kuduadu luajitah Vladimir Slavov da Larisa Smolina, allettih vie mennyt vuon sygyzyl. Kinon vuoh kaččojile saneltah, kui luajittih vepsäläzien perindöllisty venehty – habasine veneh, huavas luajittu veneh. Paiči sidä kinon kačottuu suau tiijustua, kui käytettih merežilöi, merdoi, azraimii,  kudamii suau nähtä Šoltarven kanzallizes muzeis. Piiterin alovehel niilöi kalastusvehkehii pietäh nygöigi.

Kinos ozutetahgi nuorii vepsäläzii neroniekkoi Piiterin alovehen Ladvan kyläspäi. Hyö luajitah merežilöi, kuvotah verkoloi, luajitah hongoloi da tietäh kai kalastuksen ennustukset da tiedovuot.

Kinuo ruvetah luadimah meijängi tazavallas – Kalages, Toižeges, Kaskesojas, Šokšas. Kinon luadijat tahtottas kiändiä se ven’akse da toizile kielile, ku kaččojua olis suurembi joukko.

Kinuo juatah školih, korgieloih opastuslaitoksih, krjastoloih, muzeiloih, Karjalan tazavallan, Piiterin da Voulogdan alovehen vepsäläzien liittoloih, sežo Ven’an suomelas-ugrilazih kul’tuurukeskuksih. Projektah suadih varua Karjalan Kanzallizen poliitiekan ministerstvaspäi.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat