Vienan Karjala

Kirjutukset vienankarjalakse

Tervehelline škola

Suuris Sellis lapset tiijustetih, kui ennevahvas elettih karjalazet // Kuva: Viktorija Artemjeva

Jatkan paginua Riipuškalan školah näh. Jälgimäzes Oma Mua-lehten noumeras saitto lugie pienen kylän ainavoluaduzeh školamuzieh näh. Kaččomattah sih, ku tämä on kyläškola, opastajien kollektiivu on aktiivine, astuu edehpäi da kehittyy. Vuvvvennu 2012 škola yhtyi Tervehelline karjalaine škola -tutkimusprojektah. Sen luadi Petroskoin Valdivon yliopiston Pedagougiekku- da psiholougien instituutan Karjalan kyläškola: kehityksen tiedo  da praktiekku- laboratourii. Yhtyö moizeh projektah tuli mieleh Jekaterina Saričeval, kudai johti školua silloi. Häi iče pidi yhtyvytty instituutan laboratourienke. Yliopiston opastajat piettih školan opastajih näh seminuaru da ozutettih master-kluasat, a školan opastajat keksittih opastusprogrammu nelläkse vuottu.

Projektan nimi “Tervehelline karjalaine škola” ei tulluh petties. Školan johtajan sijahizen Ol’ga Agafonovan sanoin mugah, opastajat tahtotah, ku heijän opastujil olis luja tervehys. Projektan kahten vuvven tulokset ozutettih, ku lapset nygöi harvembah voimatutah. Opastajat muga hyvin maltetah järjestiä opastusprotsessu, ku lapset vähembän väzytäh urokoil. Opastajat puaksuh vaihtetah lapsien toimindua, käytetah uuttu opastusmetoudiekkua, kudaman mugah lapsi ei ole passiivine kuundelii, ga aktiivine tutkii.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat