Vienan Karjala

Kirjutukset vienankarjalakse

Virkamiehie pakotetah peluamah kyykkyä

Viime vuuvven 9. elokuuta valtijovallan elimien etuštajat ošallissuttih kyykkäpelih. Tänä vuotena Junost’-stadionilla tuaš järješšetäh kyykkäpeli virkamiehie varoin. // Kuva: Olga Melentjeva

Yksi niistä oli Nuorison ta urheilun ministerijön toiminta Tašavallan kantakanšojen kulttuurin ta urheilun kehittämiseššä ta tukimiseššä. Toini kyšymyš koški Kanšallisen kirjašton työtä, šekä karjalan-, vepšän- ta šuomenkielisen kirjallisuuvven propagointie Karjalan eri piirilöissä.

Issunnon enšimmäisenä šeloštajana oli Nuorison ta urheilun ministerin šijahini Jevgeni Šorohov. Hiän kerto ministerijön toiminnašta kantakanšojen kulttuurin kehittämiseššä. Jevgeni Šorohov kerto viime vuotisešta Hiperboreja-foorumista, kumpasešša kaikki taulut ta bannerit oltih kurjutettu karjalan kielellä. Šamoin foorumissa oli järješšetty monta tapuamista mukavien ihmisien kera. Hiperborejan melkein kaikki toimehpivot oli ommissettu karjalan kielen ta kulttuurin vuuvvella.

Šelossukšešša Šorohov kerto kanšallisien festivaalien tukimiseštä ta korošti, jotta juhlien ta festivaalien lavoilta pitäy esittyä muamonkielistä musiikkie. Täššä hyvänä esimerkkinä on PROdviženije-festivaali. Še elävän musiikin festivaali oli pietty viime vuotena Priäžäššä.

Karjalan kantakanšojen etuštajat yheššä šuomelaisien kera rikeneh ošallissutah monih urheilutoimehpitoloih. Šorohov huomasi, jotta viime aikana Kyykkä-kisa kiinnoštau yhä enämpi ihmisie. Kyykkäkilpailuja järješšetäh Karjalan eri piirilöissä.

 

 

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat