Vienan Karjala

Kirjutukset vienankarjalakse

Oman šeuvun kantarahvaš

Myö – karjalaiset -näyttelyn 60 kuvua esitetäh karjalaisen liikkehen aktivistija, kielen ta perintehien šäilyttäjie, nuoren polven etuštajie // Kuva: Natto Varpuni

Matan enšimmäisekši pyšähyšpaikakši oli valittu Kontupohjan piirikirjašto. Šen tiloissa näyttely oli avattu 23. heinäkuuta.

Karjalan Rahvahan Liiton piälikkö Natalja Vorobei kommentoi näyttelyn valokuvie, šekä lyhyöšti kerto Liiton toiminnašta ta istorijašta.

– Kontupohjan piirillä ei ole kanšallisen piirin statussie. Onnakko kaikin myö tiijämmä, jotta täššä piirissä niise eläy äijän karjalaista, korošti Natalja Vorobei. – Piirissä pietäh karjalaisie tapahtumie ta pruasniekkoja. Monet kontupohjalaiset tahotah opaštuo karjalan kieltä.

Myö – karjalaiset. 25 vuotta yheššä -valokuvanäyttelyn matka on šuunniteltu juuri niin, jotta še piäsis Karjalan ei-kanšallisien piirijen kylih ta kaupunkiloih. Kanšallisissa piirilöissä karjalaistoimintua kutakuinki ruatah ta Karjalan Rahvahan Liitošta šielä tiijetäh.

Myö – karjalaiset -näyttely on esillä Kontupohjan piirikirjaštošša šyyškuun loppuh šuaten, šiitä še jatkau omua matkua ta šiirtyy Karhumäjen kaupunkih.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat