Vienan Karjala

Kirjutukset vienankarjalakse

Nähtä muan čomus

Marija Berbentseva opastau lapsii panna oma mieli joga snimkah. Liza Ždanovan luajittu Mustelmat-kuva oli ezitetty ozuttelus.

Anuksen piiri on bohattu nerokkahil ristikanzoil, kudamat suvaijah omua muadu. Marija Viktorovna Berbentseva ruadau Lapsien taidodvorčan opastajannu. Jo tostu vuottu häi  opastau lapsii kuvuamah Fotik-kluubas. Naine kiinnostui kuvuamizeh vie lapsennu, konzu ei olluh DG-kamerua. Kiinnostus täh dieloh kazvoi, konzu  Marija eli kolme vuottu Iranas, kunne ruadomatkah työttih hänen ukko. Tämän muan luonnon ekzouttine kaunehus herätti himuo kuvata kai midä nägi. Silloi  moizis kuulužis žurnualois kui “Muailmas ymbäri”, “Tiedo da uskondo” , “Aazii da Afriekku” sai nähtä naizen snimkua, kudamat ”kuvattih” ukon kirjutuksii myödäh. Hil’l’akkazin naizen kuvuajan nero kazvoi. Iranas naine luadii enzimäzen ozuttelun, kudamua Iranaspäi tulduu häi ezitti Petroskoil da Anukses.

Marija ainos tahtoi opastua lapsii kuvuajan neroh. Vuvvennu 2013 sygyzyl hänen järjestettyh fotokluubah tuli enzimästy opastujua. Lapset enzimäi oldih pahas mieles, ku heil ei la ole ammatillizii fotokameroi, ollah vaiku tavallizet ”mil’nitsat”. Marija rauhoitti lapsii, sanoi, ku kuvata suau tavallizelgi ”fotiekal”, olis vaiku himuo da tirpačustu. Pidäy vaiku maltua nähtä muailman čomus da panna oma mieli joga snimkah. Ei pie huolittua painaldua knopkaine, pidäy hyvin duumaija, midä sinä tahtot sanuo kuvan vuoh. Mugai tuli kluuban nimi ”Fotik”.

...Äijän kuvattih Anuksenlinnan mustopaččahii, puuston kaunehuttu, luajittih portriettua da nat’urmortua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat