Vienan Karjala

Kirjutukset vienankarjalakse

XXI vuosišualla Bojarščinah tuli sivilisatijo

Bojarščina-kylän eläjät kiitetäh Karelenergo-yritykšen ruatajie työštä. XXI vuosišualla Bojarščinah kuiteski tuli sivilisatijo. Kuvašša on Bojarščinan paikallini eläi Igor’ Račugin. // Kuva: Tatjana Bolujeva

Tämän vuuvven 18. heinäkuuta Bojarščina-kyläššä oli merkittävä tapahtuma: kyläh vejettih šähköt. Šitä ennein kyläššä šähkyö ei ollun. Piti šäilyttyä ruokua kellariloissa, ilmain jiäškuappijä ruoka ruttoh pilautu. Kalua enšin šuolattih, šiitä livotettih veješšä ennein šyöntyä.

Mieli kaččuo televisorie tai latata mopikkua piti lähtie nuapurikyläh paikallisen fermerin Juri Jelopovin luo. Juri Borisovič konšana ei kieltän kyläläisie. A ruokua oštamašša piti käyvä Petroskoih, šentäh kun Kižin šuarella hinnat ollah korkiemmat, mitä kaupunkissa.

Niin heinäkuun 18. päivänä šähkömiehet Karelenergo-yritykšeštä piälikön Igor’ Golubevin joholla lajin mukah ašetettih kaikki kylän šähkömittarit. Nyt kyläläiset voijah oštua ičelläh jiäškuappija, pešukonehie, televisorija, šekä vesipumppuja kašvismuan kaštelomista, talohommie ta kylyö varoin. Paikallini eläjä Vladimir Valentinovič Koršunov naiseh Nina Vladimirovnan kera omin voimin luajittih vesijohto talvekši, šentäh kun hyö käyväh kyläh talvellaki, kun molommat ruatah Kiži-šuojelualovehmusejošša.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat