Traktorzavodan igävuvvet

Zavodan  iänet

Oniegan traktorzavodal silloi ruadoi jo moni tuhattu ruadajua:

tavallizet ruadajat, tehniekät da inženierat. Sie oli kymmenii ozastoloi da tuhanzii ruadopaikkoi. Pidi äijy aigua, ku syvendyö monitahozih tuotandollizih zavodan hommih, toimittua niilöin monimutkallizii azieloi.

Ven’an Federatsien monet zavodat työttih Petroskoile raudua, trubua, sähkövehkehii, teräsraududetualiloi da laittehii...

Kolmesadua vuottu yhtes

Vuozinnu 1990-2000 zavodal jo ei olluh endizii tilavuksii, traktoroin valmistamizen miäry väheni, ruadopalkat puaksuh hätkestyttih, ruadajien miäry sežo rubei vähenemäh.  Zavodal  ruvettih azumah rattahallizii konehii TLK-4-01 da SLK-6-041990 lopus, jatkettih  juondotraktoroin luadimine.

Vuvves 1992 traktorzavodan vahnu laitos kohendi juondotraktoroi, azui uuzii konehii TLK-100-0, möi traktoroin detualiloi.  

Zavodan vehkehet vahnettih da kuluttih. Ruado-olot roittihes pahembat migu toizis laitoksis. Zavodan piämies ei voinnuh piästä toizen alovehen aktivizeh srojindah...