Kižin kellot kuuluttih loitokse

Preobraženskoin kirikön 300-vuozipäiväle omistetule pruazniekale pandih algu mennyt piätteniččän, konzu Kiži-muzeis piettih Preobraženskoidu suardu myöte -kniigan prezentatsii. Dostaliloi pruazniekkupidoloi piettih Kižin suarel 16.-19. elokuudu.

Kiži-muzein johtajan Andrei Nelidovan sanoin mugah täkse suurekse pruazniekakse muzei valmistui puolitostu vuottu. Johtajan mugah täs aijas muzein ruadajil oli luajittu kaksi suurdu ruaduo: pandih kundoh suarele piäzendykohtu da järjestettih suarel 200:n hengen konferentszualu. Piälimäine muzein ruadohäi ei vie suadu loppuh – ruavot Preobraženskoin kirikön restavratsieh niškoi jatketah ielleh. Nuaglattah nostetun kirikön kohendusruadoloi pietäh jo enämbi kymmendy vuottu, huavatah, ku kogonah kirikkö rodieu pandu kundoh vuvvennu 2018...