Vienan Karjala

Kirjutukset vienankarjalakse

Tossuvuon lykky

Eestin Obinitsa jo tostu kerdua yhtyy MAFUN:an kilbah suomelas-ugrilazen muailman kul’tuurupiälinnan valličendas.

Eestin Obinitsa jo tostu kerdua yhtyy MAFUN:an kilbah suomelas-ugrilazen muailman kul’tuurupiälinnan valličendas. Mulloi kilvan loppuozas sen jällele jätti udmurtielaine Starije Bigi -kylä. Täl kerdua setukaizet, juuri nämmii rahvahii eläy Obinitsas, roittih voittajikse. Lykykäs rodih heih niškoi toine kilbu.

Kilvan voittajathäi ilmoitettih mennyt nedälil Helsinkis yliopastujien talois. Suomen piälinnah tuldih kai kilbuniekat, kudamat piästih kilvan loppuozah. Heidy oli kolme: mainittu Obinitsa, meigäläine Vuokkiniemi, kudamua ylen äijäl kannatimmo da vuotimmo sen voittuo, da Vengrien histourien puoles tundiettu Vesprem. Muite alguudah myöte kul’tuurupiälinnakse pyrgijiä kyliä oli kuuzi. Mainitun kolmen ližäkse vie meigäläine Haikol’a, Leningruadan alovehen Vistino da Permin alovehen Bol’šaja Koča.

Obinitsa ei ole suuri kylä, eläjiä kyläs on kaikkiedah 250 hengie. Enimät ollah setukaizet. Yhtet tutkijat lujoitetah, ku setun kieli on eräs eestin kielen murreh. Yhtelläh iče setu-rahvas pietäh iččie iččenäzenny kanzannu oman kielen da kul’tuuranke... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat