Vienan Karjala

Kirjutukset vienankarjalakse

Vartiolampi otti vaštah vieraita

Järještäjät kekšittih rahvahalla kaikenmoisie kisoja ta huvija. // Kuva: Anastasija Protasova

Jo viijettä kertua Puanajärven puiston Vartijolammešša piettih karjalaini pruasniekka. Šen järještäjinä oltih puiston ta Sohjanankošen kulttuuritalon ruatajat.

Pilvini šiä ta tihkušaje ei haitettu pruasniekan järještäjie, hyö luajittih kaiken, jotta pito olis vesselä ta mukava. Juhlan alušša Irina Škin’ova yksinkertasen laittehen ta taikašanojen avulla yritti ”hajottua” pakšut pilvet. Tosiehki vihma kohta loppu, vaikka Kivakka-tunturi oli koko päivän ajan tumanton peitošša.

Natalja Bižon ta Irina Škin’ova lämpimäšti tervehittih juhlarahvašta. Monet tullehista jo moničči on käyty Puanajärven puistošša kuin kešällä šamoin ni talvella. Pruasniekkaväjen joukošša oli vierahie Jaroslavlista, Voronežista, Moskovašta, Korol’ovista ta muuvvalta. Pruasniekan aikana järještäjät lahjotettih lahjoja merkkipäivän viettäjillä, vašta yhteh mänijillä nuorilla pariloilla, šekä pariskunnalla, kumpani jo monta vuotta peräkkäh joka kešä käyt levähtelömäššä puistošša.

Sohjanankošen kulttuuritalon lapšien folklooriyhtyveh ”Lintuset” esitti vierahilla karjalankielisen näytelmän ”Sammon myöštymini”. Kaunehet lavaššukšet ta näyttelijien värikkähät puvut ei jätetty ketänä välinpitämättömäkši. Näytelmän aikana Sohjanankošen kulttuuritalon kirjaštonhoitaja Nina Grigorjeva välillä kommentoi esityštä venäjän kielellä. Nina Jevlampievan järještämät kanšankisat herätettih ylen šuurta kiinnoššušta kaikilla... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat