Vienan Karjala

Kirjutukset vienankarjalakse

Karjalaiset kyykkärit käytih Moskovašša

Karjalašta kyykänpeluajie oli nellä (vašemalta oikiella): Riimo Maččijev Petroskoista, Natalia Žulai Vieljärveštä, Žanna Tikkanen Kalevalašta ta Gennadi Lukin Jessoilašta.

Karjalaiset käytih kyykkyä peluamah Moskovašša. Šielä, Kolomenskoje-musejon alovehella piettih Muajilman meštaruuškilpailut 2014. Meikäläiset kyykän harraštajat enšimmäistä kertua piäštih tämmöseh šuureh tapahtumah.

Muajilman meštaruuškilpailuh tultih parahat gorodki-pelin peluajat Venäjältä, Valko-Venäjältä, Ukrainašta, Šakšašta, Virošta, Šuomešta, Mongolijašta, Kazahstanista, Israilista ta muista maista. Venäläini gorodki, kyykkä ta eurogorodki ollah šaman pelin lajija. Venäläistä gorodki-pelie enemmän pelatah Venäjällä, Valko-Venäjällä ta Ukrainašša, eurogorodki-pelie pelatah Šakšašša, a Virošša, Šuomešša ta Pietarissa – kyykkyä. 

Muajilman meštaruuškilpailuissa pelatah gorodki-pelin kaikkie lajie.

Venäläiseššä gorodki-pelissä joukkokilpailušša voittajakši tuli Venäjä 1 -joukko. Eurogorodki-pelissä voitti Ukraina. Kyykäššä miehien šarjašša parahakši tuli šuomelaini Veli-Pekka Ehoniemi, naisien šarjašša niise voitti šuomelaini Päivi Ruotsalainen, naisien parikilpailušša tuaš voitettih šuomelaiset, ka miehien joukkokilpailušša voitettih venäläiset, meijän sussiedat ta yštävät Čerepovetskista.

Karjalašta kyykänpeluajie oli nellä: Žanna Tikkanen Kalevalašta, Natalia Žulai Vieljärveštä, Gennadi Lukin Jessoilašta ta Riimo Maččijev Petroskoista. Ne kaikki hyvin pelatah kyykkyä omissa kylissä, elävytetäh ta kehitetäh šitä pelie... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat