Vienan Karjala

Kirjutukset vienankarjalakse

Saveljevien vellekset

V’ačeslav da Sergei ollah kaksozet. Tabua myöte toinah ollah eriluaduzet, ga se vai auttau ruadua yhtes.

Saveljevien vellekset V’ačeslav da Sergei luajitah erinomazii poštukartočkoi, kudamis on mondu kerrostu bumuagas. Omale laitoksele sendäh brihat pandih nimi “Sloika”. Nimi rodih lyhyt da mielehtartui, kui tahtottihgi.

Tämänmoizii poštukartočkoi vie nikel engo nähnyh, eigo tiä Karjalas semmozii minun tiedämäl luajita. Paiči Saveljevien velleksii. Algavui kai vuottu kolme-nelli tagaperin, konzu V’ačeslav luadi täh tabah enzimäzen portrietan. Sit siirryttih poštukartočkoih. Milbo eruou Saveljevien luajittu poštukartočku toizis? Se ero, brihoin oma luajindutaba kerras nävytäh. Nämmis poštukartočkois on mondu kerrostu – bumuagupalastu, kudamis tulou sit kogonaine kuva. Nämä kai kerrokset pyzytäh yhtes, ollah ku maltajen, kunnolleh da omal kohtua tartutettu. Tartuttajes kleidy ei käytetä ni vouse. Ruadobrujis brihoile pidäy vai stanku, kudamal leikatah tulien kuvan palazii...

Omua pajua erikseh brihoil vie ei ole. Ruatah kois da se stanku, kudai pidäy ruadajes on helpo ottua keräl mašinah da hos kunne vediä da hos kus ruadua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat