Vienan Karjala

Kirjutukset vienankarjalakse

Ušmana – karjalaini Atlantida

Entisen Ušmana-kylän lähellä on ašetettu muistomerkki. Vesi hajotti kylän muan tašalla, kuitenki še ei voinun hajottua kyläläisien muisson.

...Karjalaisen Ušmana-kylän oša muissuttau Atlantidua. Erotukšena Atlantidašta Ušmanan kohtalo ei ole myytti vain ikävä istorijallini tosiasie, eikä šen šyynä oltu luonnonilmijöt vain ihmisien meininkit.

Ušmanan kylä on šuanun nimeh Kemijoven mahtavašta Ušmankošešta. Noin 12 metrin korkie Ušma oli Karjalan mahtavin koški. Šen kummallisešta voimašta kierteli erilaisie legendoja. Aina kuohuva, hurja, valtavie vesijä kantava še murši laštuiksi kahekšan veršokan pakšusie hiršijä. Šen lähellä olijat tunnettih muan järissyštä. Ušman vesijen humina kantautu hyvin loitoš ta še hyvin kuulu Ušmanankyläššäki.

Ušmana XX vuosišuan alušša oli Karjalan šuurimpie kylie. Vielä ennein šotie šiinä lašettih olovan 100 taluo ta noin 550 eläjyä.

Tärkeimmät elinkeinot

Kemijoven vejet oltih ylen kalasat. Lohenpyynti oli kyläläisien tärkeimpie elinkeinoja. Kautta aikojen lohi oli elättän tämän šeuvun eläjie. Kalua pyyvvettih šuurin miärin, šitä kuletettih kuin venäläisillä niin ni ulkomualaisilla markkinoilla... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat