Vienan Karjala

Kirjutukset vienankarjalakse

Yrittäkkyä löytyä uuši hahmo omašša luonnošša

Čičiliuškulaiset šuatih kokie uutta kokemušta Norjan Theatre camp 2014 -festivaalissa.

Jännittävä, monipuolini ohjelma

Theatre camp 2014 -näyttelijien taijon festivaali pietäh muasteri-oppi -muotosena. Še oli kakši šuuntua. Enšimmäini oli ommissettu filmin luatimisella, toisešša ošallistuja voit improvisoija toisen šukupuolen esiintyjän roolissa. 

Enšimmäiseššä joukošša ošallistujien luku ei ollun šuuri, nellä nuorta ohjuajua yritti kuvata omin filmin. Joukon opaštaja oli Clive Ardagh Enklannista. Festivaalin aikana nuoret ohjuajat kulettih kameran kera, hyö tallennettih mukavie hetkijä ta opaššuttih ruatamah iänen ta kuvan kera. Toisena tehtävänä oli oman pienen filmin kuvuamini. Ošallistujat iče voitih valita teeman ta filmin juonen.

– Oli mukava kaččuo ihmisih kamerašta läpi. Tuntu, jotta heti jouvuit filmih. Oikien näkökulman ečintä, ruato mikrofonin kera on tosi jännittävä. Kuvuamisen jälkeh rupiet ajattelomah kuin ohjuaja ta niät erilaisie esinehie toiselta puolelta, kerto nuori ohjuaja Nikita Jensen Bjørnevatnista...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat