Vienan Karjala

Kirjutukset vienankarjalakse

Wikipedii karjalakse? Ruvekkuammo luadimah!

Uuzi kiännösprogrammu hyvin pädi vepsäläzile, ku heil on Wikipedii omal kielel. Kuvas vepsäläine Galina Baburova. // Kuva: Jelena Filippova

Eestis piettih seminuaru, kudamal šeikuittih Wikipedien luajindua suomelas-ugrilazil kielil. Seminuaral oli meigälästy rahvastugi: karjalastu da vepsälästy.

Tarkah sellittiä, mibo on Wikipedii, duumaičen ei maksa. Onnuako jogahine kerras hos, ga on kaččonuh sidä. Tädä internetas olijua välliä tiedosanakirjua käytetäh ymbäri muailmua da se on monil monil kielil. Karjalakse pahakse mieldy sidä ei ole olemas. Kirjutustu meijän kielel vai on Wikipedien inkubattoras. Ei ni vähiä olis – 2000. Emmo vai tiijä niilöin kirjuttajat. Siirdyö inkubattoraspäi varzinazeh Wikipedieh meile, tiettäväine, voibi. Pidäy vai kirjuttua inkubattorah kirjutustu da alalleh, ku Wikipedien luadijat nähtäs, ku ruaduo sidä ruatah da se on kunnolleh ruattu, sit äski annetah luba luadie oma Wikipedii karjalakse.

Toizil suomelas-ugrilazil kielil, kudamil pagizijua on äijiä enämbi, on suuret Wikipedietgi. Suomen kielel Wikipedies on 352 862 kirjutustu, vengrien kielel – 264 910, eestin kielel – 125 743. Marinkieline Wikipedii  meijän muan suomelas-ugrilazis vikse on suurin: 7131 kirjutustu on yhtel murdehel – mägimarin murdehel, toizel murdehel – niittymarin murdehel – on 6017 kirjutustu. Vepsäläzetgi täs ruavos nägyy ei jiähä jällele. Heil on oma Wikipedii, kudamah meijän tiedämäl joga päiviä tulou uuttu kirjutustu. On suittunuhgi niidy jo kudakui – 4046...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat