Vienan Karjala

Kirjutukset vienankarjalakse

Anuksenlinnan merkivuozi

Voinuhistouriellizien kluubien edustajat Petroskois, Piiteris, Viipuris, Latvies da Estouniespäi oldih pohjoisvoinah yhtynyzien ruoččilazien da ven’alazien saldatoin sovis. // Kuva: Ol'ga Kuzmina

Tänävuon Anuksenlinnu, kudai on vahnin kogo Karjalas, täytti 365 vuottu. Pruazniekkua piettih nelli päiviä.

Niilöin aigah pandih kukkii da venkoi mustomerkilöin tyveh, piettih erilazii konsertoi, käziruadoloin jarmankoi, sportukilboi da kižoi lapsile. Linnan eri kul'tuurulaitoksis avattih uvvet ozuttelut, kirjastos ilmoitettih literatuurukilvan tuloksis. Jo kolmas vuozi peräkkäi linnan perustamizen päivänny Anukses piettih Sinule pajatammo ‒ nimine hengellizen muuzikan festivuali. Blahosloven’n’an sih andoi Petroskoin da Karjalan mitropoliittu Manuil. Festivuali algavui malitul histouriellizes kohtas, kus 365 vuottu tagaperin oli perustettu Anuksen linnu, silloi sen piätavoittehennu oli vardoija meijän muadu roččilazis. Vuvvennu 1668 puuhine linnu paloi kogonah, sen sijah nostettih uuzi jo kivine linnu, sil oli yheksätostu tornii da piduhus jogirandoi pitkin oli piäl puoldutostu kilometrii. Kivine linnu seizoi vuodessah 1741. Kolme vuottu tagaperin yhteiskunnallizien aktivistoin ehoituksel linnan päiviä ruvettih viettämäh syvyskuun lopus. Pruazniekanke linnalazii sego gostii hyviteltih Anuksen piirin da linnan haldivoloin johtajat sego Karjalan rahvahallizen poliitiekan varaministru Viktor Krasnožon. Malitun jälles kai pruazniekale tulluot lähtiettih Anuksen Smolenskoin Jumaldoman obrazan kirikköh, kudai seizou Mariam-suarel... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat