Vienan Karjala

Kirjutukset vienankarjalakse

Mandroga – turistoin hieru

Nerokkahien sloboda -jarmankal opastetah rahvahan neroloih dai myvväh kaikkie, midä myvväh nygöi kaikkiel – matr’oškoi, luzikkoi, astieloi, tyttilöi, hurstiloi, kuvii da kaikkie muudu. // Kuva: Valentina Libertsova

Mandrogah omil mašinoil huogovopäivinny puaksuh ajellah minun tuttavat, školan algukluassoin lapset vahnembienke. Tänävuon Vera L’ahova puašitti minuu sinne. Otin kerale nellivuodizen T’oma-vunukkazen da hänen kolmetostuvuodizen sevoittaren Pal’an.

Konzu enne kuulin täs kummallizes paikkunimes, minun mieles pyörii se Darrellan suarnu Mandragoranjuuri-kuvanke. Internetas tiijustin, gu Mandroga on hyllätty vepsäläine hieru, murendettu voinan aigah, Lodeinoin  da  Podporožjan keskes. Paikannimi vepsän kieles merkiččöy “koskii”, sentäh gu täs kohtas on kuuzi korgiedu Sviri-joven koskie. Enne hierun nimi oli Ylähäzet kosket (Verhne-Mandroga). Vuvvennu 1996 erähäl biznesmiehel tuli mieleh azuo täh ylen čomah kohtah matkustajien hieru. Vahnois kodilois, kuduat vie pyzytäh kunnos, voibi tiijustua, kui elettih ennevahnas Ven’an pohjazen rahvas. Rinnal on nostettu uvvet stilizoitut koit-hotellit, kudamis voibi eliä, gu ken tahtou jiähä hätkembäkse, sanommo loman aijakse...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat