Vienan Karjala

Kirjutukset vienankarjalakse

Pajuo da tansii Tverin mual

Soittajat Natalja Šamrai da Aleksandr Dobrinin suadih laureatoin I astien diplomat. // Kuva: Margarita Kemppainen

Ven’a on ylen suuri mua, kuduas eläy eri kanzua, nerokastu muasterii da maltajua ristikanzua. Sendäh oli piätetty pidiä festivuali vuorotellen Ven’an eri alovehil. Tverin linnu syvyskuun lopul otti vastah festivualilazii Ven’an keski- da luodehpuolen alovehilpäi.

Petroskoin linnaspäi 24. syvyskuudu Tverih lähti ubouvvel autobusal meigälästy pajattajua da käzineroloin muasterii. Kilvan siändölöin mugah joga alovehel pidi ozuttua omua yhtehisty programmua. Karjalua täs suures festivualis edustettih Kezräjäine-folklourujoukko, vepsäläine hora, Karjala-ansambli da rahvahallizil soittimil soittajat Natalja Šamrai da Aleksandr Dobrinin. Karjalan neroniekoin gil’dija työndi festivualih ozutettavakse meijän tazavallan muasteriloin käziluajilmuksii.

Kai festivualin programmat kačoi arvostelijoin joukko, kuduadu johti Aleksandra Perm’akova, akadeemizen ven’alazen rahvahallizen P’atnitskoin nimizen horan johtai. Joga joukol oli oma tietty miärätty aigu, sendäh ku festivualih tuli 1270 hengie Ven’an 29 alovehelpäi, enimät joukot oldih ven’ankielizet.

Tuli meijängi Karjalaspäi tulluzien vuoro. Enimät festivualilazet enzi kerdua kuultih, kui soitetah jouhikol da pillil, kui karjalazien luaduh joijutah da pajatetah runuo karjalan kielel. Hyvin da čomah luaduh pajatettihgi vepsäläzet...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat