Vienan Karjala

Kirjutukset vienankarjalakse

Tuaste vägi suuri joukko kursilastu

Avajazien illačus, kudamas vähäzen huaveiltih da uneksittih, kuulimmo kuulužan Härkinä-ansamblin pajuo. Yhtes kursilazienke hyö pajatettih omua tundiettuu pajuo ”Ongo Petroskoi kaunis linnaine”. // Kuva: Jelena Filippova

Pruazniekas, kudai oli luajittu kursilazien hyväkse, kielen pädevytty da käyttyö ozutettih kaikin puolin. Avajazien emändy Jelena Migunova algoi:

– Maltanetto karjalakse, terveh tulgua kaikkih karjalazih ildu- da päivykeččoloih, kaikkih pidoloih. Midä eletäh meijän rahvas da midä heile kuuluu, sih nähte ainos rubietto tiedämäh. Etto ku erähäl kerdua piässyh kunnetah, ga älgiä sendäh pahastukkua. Joga uudinehäi puuttuu federualizih kanualoih.

Sen jälgeh oli karjalankielizien uudizen vuoro. Niilöi lugi kaikile hyvin tuttu TV:n toimittai Ol’ga Kuzmina. Ekruanal sai nähtä tapahtunnuttu da tapahtuttavua. Edukädeh niilöile, ken ei malta karjalakse, oli luajittu subtitrat ven’an kielel.

Midä kuuluu karjalazile?

Terveh teile, hyvät kaččojat! Stuudies olen minä Olga Kuzmina da työ kačotto uudizii karjalan kielel. Midä uuttu kuuluu karjalazile da karjalan kielele, sih niškoi sanelemmo teile nygöi. Ezmäi lyhyösti piäteemois.

-      Karjalan kieli rodih valdovonkielekse Karjalan tazavallas. Sidä kannatettih enimät Karjalan halličuksen deputuatat. Meijän tazavalduhäi tässäh oli ainavo Ven’al, kus sen nimenandajan kanzan kieli ei olluh valdivonkielenny.

-      Moskovas rubei ruadamah karjalazien syömizien restoruanu – ”Kalamuagari”. Sen avajazih käi Ven’an prezidentu Vladimir Putin...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat