Hil’l’akkazin ga kehittiä

Karjalan opastusministerstvan piälikkö Aleksandr Morozov algoi oman paginan sit, ku rahvahan kiinnostus karjalan kieleh nygöi rubei hyvin nägymäh. Tovestuksennu sille on se, ku ligakuun allus Karjalan kul’tuuruministerstvan piettylöih karjalan kielen kursiloih tuli enämbi 150 hengie. Vähäzel kazvoi muamankielen opastujien lugu opastuslaitoksisgi. Karjalan, vepsän da suomen kieldy opastuu tänävuon 6979 tuhattu hengie, mi on 65 hengie enämbi, migu mennyt vuon. Kehittiä muamankielien opastamistu tahtotah vie Petroskoin valdivonyliopiston kauti. Rektorat ei ole vastah sidä, ku kielii opastettas eri tiedokunnoil...

Tilua kursiloin pidämizeh

Nevvostoh kuului Natalja Antonova kiändyi ministran puoleh juuri kursiloin probliemanke. Hos tänäpäi karjalan kielen kursat ei kuuluta Opastuministerstvan hommih, ga auttua täs dielos on vägie myöte ministerstvale. Kursilazile ei tävvy tilua Kanzallizien kul’tuuroin keskuksen seinis. Kirjuttua tetratti polvil ei ole dielo...