Vienan Karjala

Kirjutukset vienankarjalakse

Mandžoiruavot vaste loppiettihes

Kuuzi tuhattu polkan vezua kazvatetah Jessoilah niškoi. // Kuva: Ol'ga Smotrova

Zaitsevan nimine souhozu Šuojun kyläs oli enne Karjalan suurimii souhozoi. Sie kazvatettih kartohkua, sv’oklua, turnustu, morkouhkua da kapustua. Nygöi pellot on hyllätty, souhozah jäi vähäine žiivattua. Konzu souhozu oli vie jalloilleh, muanruaduo ruvettih ruadamah kyläs Sosunkevičien pereh. Aijan aloh talovus kazvoi: liženi tehniekkiä, levettih kartohkupellot. Tänäpäi fermerat vuogratah piäl 40 gektuaran muadu, kazvatetah eri luaduu kartohkua da mandžoidu. Mandžoin kazvattamistu jo nelli vuottu emändöiččöy Ksenija-tytär.

Mandžoin kazvattamine ei ole kehitynnyh biznessu Karjalas. Sidä kazvatetah Sortavalas, Jänišpellol, D’arvenojas, Čalnas da Šuojus. Enämbi kaikkie mandžoidu kazvau Šuojus, ga ei ni sidä tävvy, ku, sanommo, pidiä yhtevytty suurien laukoinke. Kaikkie, midä kazvau kahtes-nelläs nedälis kolmel gektuaral, täydyy vai alallizile ostajile, kudamii jo äijy rodih vuozien aloh...  

Mandžoidu eri maguh

Enne fermeroil kazvoi vai nelliä roduu mandžoidu: polka, korona, jonsok da zaf’ur. Tänävuon puutui ostua Gollandiespäi tuoduu pakastettuu taimendu da uvvistua erähät mandžoin pellot. Muga pellole liženi vie kolme luaduu mandžoidu: honei, florentsija da alanija. Pidäy sanuo, ku pakastetut taimenet, kudamii sanotah frigokse, ollah parembi tavallizii vezoi, kudamii leikatah da istutetah syvyskezäl. Enzikse, net ollah “puhtastu roduu”. Savunhoidajat tietäh, ku mandžoin vezat vuozi vuottu “ligavutah”, niilöis häviey luadu, libo, voibi sanuo, rodu...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat