Vienan Karjala

Kirjutukset vienankarjalakse

Lapsien teatrutaiduo lavale

Kaikkii kaččojii sego teatrujoukkoloi festivuali mielytti, hyö tahtottas yhtyö sih tulien vuongi. // Kuva: Ol'ga kuzmina

Ozuttamah omii neroloi Anukseh tuli kaksisadua seiččiekymmen yheksä hengie Anuksen da Onieganrannikon piirilöis, Lahtenpohjas, Petroskois, Sortavalas sego Lodienoilpäi. Kaikkiedah ezityi piäl nellänkymmenen lapsien joukkuo yhtestostu opastuslaitoksespäi. Kaččojuagi kerävyi täyzi zualu, lippuloishäi ei pidänyh maksua nimidä. Ezityksien pohjannu oldih tundietut suarnat, kerdomukset Suures Ižänmuallizes voinas sego nygyaigazien kirjuttajien tevokset. Smešariki-nimine tyttiteatru Lahtenpohjaspäi ozutettavakse valličči Kaži, kukki da reboi -suarnan, tyttilöin ližäkse suarnas ezityi kaksi iloniekkua, kuduat nagratettih kaččojii. Kai lavan čomendukset sego tytit valmisti teatran ohjuaju Jelena Žamgar’an, häigi keksi pajon, kuduan nuoret ozuttelijat pajatettih ezityksen lopus, muuzikan sih niškoi kirjutti Oksana Jemeljanova.

‒ Minä valličin tämän suarnan ozutettavakse, sendäh gu sidä ylen äijäl suvaiččou minun poigu, enzikerdua suarnan ozutimmo kaksi vuottu tagaperin Kuklantida-nimizes festivualis. Kaikile tundiettuh suarnah ližäimmö kudamidä omua, gu lapset voidas ozuttua vie pajo- da tansineroloi. Suarnu on pitky, se pidi äijäl lyhendiä, gu ozuttua sidä kahteskymmenesviijes minuutas, sanelou Jelena Žamgar’an...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat