Vienan Karjala

Kirjutukset vienankarjalakse

Luvekkua meigäläzii ven’akse

Georgii Ivanovičal on karjalazet juuret. Häi on roinnuhes Kuujärvel, kazvanuh Anukses. Karjalan kieli ainos oli miehel kuuluvis. Jatkua karjalankielizien runoloin kiännändiä ven’an kielele mies vois iellehgi. Konzu luajittih tädä kirjua, häi ei olluh nimi // Kuva: Jelena Filippova

On olemas karjalankieline literatuuru. Karjalazil on hyviä, kunnon runoilijua da kirjuttajua. Ga äijätgo tietäh sit? Iče karjazet da karjalan kieldy maltajat. Ei joga toine meigävelles ottavu omien runoloin da kerdomuksien kiännändäh, ei ruohtita, huijustahes. Ga suattua meijän literatuuru lugiettavakse toizile, ket kieldy ei malteta, pidäy. Sidä duumaittih anukselazet, konzu ruvettih luadimah uuttu kirjua. Kiännettäväkse otettih meigäläzien klassiekkoin: Vladimir Brendojevan da Zinaida Dubininan runoloi.

Uuzi Eloksen langu -kirju on yhtehizen ruavon tulos, kudamah pandih vägie moni hengie da yhtistysty. ”Anuksen karjalažet” kirjutettih projektu, kudaman kannatti Kanzallizen poliitiekan ministerstvu. Galina Fedulova, Anuksen kanzallizen kirjaston ruadai, rubei sana sanah kiändämäh karjalan kielespäi ven’akse runoilijoin runoloi. Georgii Černobrovkin, runoilii, sen samazen kirjaston piälikkö, luadi literatuurukiännökset.

Allettih tämä ruado onnuako vuozi tagaperin, terväh luajittihgi. Georgii Černobrovkinua tutah nerokkahannu ven’ankielel kirjuttajannu. Kiändäjän leivis mies oli enzi kerdua da Eloksen langu -kirju rodih hänen enzimäine kiännöskogomus. Ylen hyvät da kunnon kiännökset roittih, čopakot da tarkat...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat