Vienan Karjala

Kirjutukset vienankarjalakse

Vastesuaduloin lapsien pruazniekku Alavozes

Kaikis pienimäl Nastoil Jermejevalgi värtin pyzyy käzis. // Kuva: Valentina Libertsova

Vastesuaduloin lapsien pruazniekku oli ruado, kudai luajittih Karjalan kielen koin seminuaran jälles. Seminuaras joga kyläle oli annettu oma ruado ruattavakse.  

Tänävuon Alavozen kyläh rodiihes läs kolmiekymmendy lastu, ga kaikkii yhtel kerdua vastata da gostie rouno ku ”igävy” on dai yhteiskunnallizen Iljinka-kluuban huonukset ei olla moizet suuret. Sit taloin johtai Ol’ga Limarenko piätti enzimäzikse kuččuo net perehet, kuduat eletäh lähembi, gu heil on helpombi tulla. A sit, konzu jo ruvetah sanomah toine toizele kyläs vastavukses, vähäzin kerätä joukkoloin kylän toizis kohtispäigi. A konzu rubieu jo kehittymäh kiinostunnuh karjalan kielen da perindölöin opastundah joukko, pidiä eriluaduzii illaččuloi perehen eländöih niškoi.

Enzimäzikse varustimmo jogahizele čomat kučut, valmistimmo programman da sengi painoimmo, gu voidas ristittyöt kois mustoittua da lugie erähät nevvot kahtel kielel – livvikse da ven’aksegi.

Programmua luajimmo pienien lapsien kazvatandah niškoi, jogahine keräili sih vähäzin – ken meis midä tiedäy da maltau. Iče Ol’ga Pavlovna saneli, kui vastesuaduloi lapsii vardoittih pahas, virtytykses, voimatuksis, kui kačottih, liikutettih, parandettih, taluttih kylyh, pezetettih. Häi opasti pajattamah helpon uinotuspajozen “Baiju, baiju lastu, baiju pikkarastu…” da jagoi lapsile lahjakse villazet nieglotut sukat da alazet...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat