Vienan Karjala

Kirjutukset vienankarjalakse

Emmo vuota abuu bokaspäi – ruammo iče

Kniigas on šeikkuperäzesti musteltu Koin nostandua. Kui huavattih kohendua endine lapsien päivykodi, kui ellendettih, ku sidä vahnua ei sua kohendua da tulou nostua uuzi sen tilah. Joga riičindy- da nostanduvaihies on otettu kuvua, kuduat luadi Martti Pen // Kuva: Jelena Filippova

On piässyh ilmah Karjalan Kielen Kodi –yhtistyksen kniigu. Kirjan nimekse on pandu ”Karjalan Kielen Kodi - Nouzou ku nostetah” da se parahali ozuttau, mih nähte da mih niškoi se on kirjutettu.

Kniigan redaktoru Martti Penttonen sellittäy, mi rodieu Vieljärven kyläh nostettavan Karjalan  Kielen koin piäruado, ku koin ”tarkoitus ei ole seinät, vai toimindu niilöin sydämes”. Koin luadijat ičegi sanellah sidä Martti Penttozele.

Karjalan Kielen Kodi –yhtistyksen piälikkö Ol’ga Gokkojeva mustelou, kui juohtui mieleh luadie moine kodi Vieljärven kyläh da kui ruado algavui. ”Karjalan Kielen Koin muamo, sen primus motor” sanelou omii mielii koin tulies aijas da ruadolois.

Martti Penttonen pagizutti vie kaksitostu Vieljärven aktivistua, kuduat käydih subbotniekoil, riičittih kylän vahnua lapsien päivykodii, kuduan sijah nostettih Karjalan Kielen Kodi. Pagizutettuloin joukos on vahnembua polvie rahvastu dai nuorembua ristikanzua. Jogahizel heis on oma nägemys, mittuine pidäy olla heijän luajittavu Karjalan Kielen Kodi, midä iče hyö tahtottas mielihyväl sie ruadua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat