Vienan Karjala

Kirjutukset vienankarjalakse

Karjalaine perti keskipiälinnua

Rahmannoit ollah karjalazen pertin ruadajat da alguhpanijat (hurualpäi oigiele): Jelena Kononova, L’udmila Zaharova, Margarita Tselebrovskaja da Irina Polevaja. // Kuva: Jelena Filippova

Karjalazen pertin alguhpanijat konzu vuozii lugietah, ga ei uskota, ku ruatah omua ruaduo jo kaksikymmen vuottu. Konzu ruvettih luadimah pertii, sanotah ni smietitty ei, ku muga kodvakse se libuu. Duumaittih vuvven toizen ruatah dai kai azettuu. Ga ei muga roinnuh. Perti, kudai on luajittu karjalazien XIX vuozisuan lopun-XX vuozisuan allun pertin jyttyökse, ruadau da ottau vastah rahvastu, kudamii tulou Karjalan eri čuppulois da sen ulgopuolelpäigi.

Konzu kaksikymmen vuottu tagaperin oli luajittu karjalaine perti, ga semmozii Karjalas onnuako ni olluh ei...

Enzi harpavukset

Misbo kai lähti? Lapsien da nuorižon turizmukeskukses ainos käydih lapsienke karjalazih kylih. Käydih huogavopäivinny da lomien aigah. Toiči nedäliluguh elettih sie. Konzu Petroskoih järilleh tuldih, keräl tuodih kaikenmostu vahnua veššii. Kudamatgo iče löyttih, ku oldih pädemättömät, kudamatgi rahvas annettih. Enzimäzii lapsien löyttylöi vehkehii oli tuohes luajittu komšaine luzikkoih niškoi. Ezmäi ni tietty ei mih niškoi se pädöy, sit ovvostettih dai rahvas nevvottih. Löyttih, ga pidi se vie hyvin da kodvu pestä, ku kai oli muas da saves...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat