Vienan Karjala

Kirjutukset vienankarjalakse

“Kalevalua” kuunneltavakse

Konzu kai oli lugiettu, “Kalevala” tallendettih diskoih, sendäh gu diskah syndyy äijy da sidä voibi kuunnella kodiruadoloin ruadajes da hos mašinas ajajes. Kogonah rodih lugiettu kaheksatostu čuassuu. // Kuva: Ol'ga Kuzmina

Lugijannu on Karjalan TV- da raadivolaitoksen kanzalliskielizen toimituksen johtai Aleksandr Jeremejev. Mieli lugie “Kalevalan” hänel tuli, konzu häi kävyi luadimah lähetysty Kotkatjärveh Zinaida Dubininan luo. Juuri silloi Zinaida Timofejevna oli kiändämäs “Kalevalua” livvikse. Paginan aigua Zinaida Timofejevna saneli, gu rubei kiändämäh “Kalevalua”...

‒ Konzu luvet “Kalevalua” omal kielel, ellendät äijiä enämbän sego näit oman kielen čomuttu. Zinaida Timofejevna ruadoi ylen suuren ruavon, hänen kiännös on lähäl alguperästy tekstua, sanelou Aleksandr Vasiljevič.

‒ “Kalevalan” lugemisruado oli jygei, se kesti piäl vuvven. Stuudies minuu autoi ohjuaju Larisa Hačeva. Toiči lugie runoloi pidi moneh kerdah. “Kalevalas” on oma ritmu, kuduadu pidi noudua. Lugemistu myö čomendimmo kandelehen soitol, täs meidy autoi Arto Rinne, jatkau Aleksandr Jeremejev..

Lugijan mielii
  • Евгений Мухоров23.11.2014 | 10:06
    Миеленкинтоен он тямя ютту!Онко махдоллисуус тилата се диску поштан каута?
  • Natalja Sinitskaja(Jakovleva)24.11.2014 | 13:22
    Terveh, Jevgenii Petrovic!
    Kirjutan angliekse, sendah ei kai karjalan kirjaimet menna tolkuh.
    Sida Kalevalua voibi ostua Karjalan Kielen Seuraspai, kudai ruadau Suomen puolel.
    Muite vie voit kyzyo Kukkoilan Alekandr Jeremejeval, kudai lugi Kalevalua diskale. Hanel niidy on, ga en vai tiija - muite andanou vai myonnoy. Sasan telefon loydyy vikse sinun sizarel tyttarel - Olal.
Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat