Vienan Karjala

Kirjutukset vienankarjalakse

Kielen tutkijal ruado ei loppei

Tänäpäi Tatjana Boiko on valmistamas Suurdu karjal-ven'alastu sanakniigua.

Rodinuhes Tatjana Boiko on čomah Videlen kyläh suureh karjalazeh pereheh, kuduas oli yksitostu lastu. Muamo ei tiedänyh ven'an kieldy, sendäh perehes kaikin paistih vai karjalakse. Vahnembis Tatjana Petrovna opastui suvaiččemah kodirandua sego omua kieldy. Školan jälles häi lähti opastumah Petroskoih Pedagouguinstituuttah filolougizeh tiedokundah, kuduan loppiettuu ruadoi ven'an kielen da literatuuran opastajannu enzimäi vuvven Suures Mäis, sit kolme vuottu Videlen školas. Petroskoih muutettuu vuonnu 1984 Tatjana Petrovna kučuttih ruadoh Kielen, literatuuran da histourien instituuttah. Enzimäi häi oli laborantannu, myöhembi rodih kielen tutkijakse.

- Minä olen ozakas ristikanzu, sendäh gu munule puutui ruadua nengomien kuulužien tiedonaizien da tiedomiehienke, kui Georgii Kert, Martti Kuusinen, Vera Ollikainen, Vladimir R'agojev, Aleksandra Punžina, Vieno Fedotova, L'udmila Markianova da Nina Zaitseva. Heis minä ainos sain abuu da hyvii nevvoloi, sanelou Tatjana Petrovna...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat