Vienan Karjala

Kirjutukset vienankarjalakse

Prihodan koin nostamine

Alavozelazet puaksuh pietäh subbotniekkoi, kabrastellah srojindulomuloi. // Kuva: Valentina Libertsova

...Ruvettih azumah prihodan kodii, gu olis kunne kerävyö uskojil jälles sluužboi, pruazniekkoi varustamah, piäständypaginoi pagizemah. Siegi Pyhänpäivänškolua roih pidiä parembigi, gu lapset opastuttas yhtes pertis, vahnembat – toizes. Karjalan kieldygi lapset opastutah školas da päivykois, a vahnembil pidäy eräs programmu.

Uvven kirikön da prihodan koin kohtu on ylen pättävy da vessel – matkudorogan reunal, pedäjikös, rinnal vahnoin bol’ničču, vähästy loitombi – kalmoi. Ihan rinnal vahnan školan stadional on kaikkien kylän pruazniekkoin pidämizen kohtu. Sie puaksuh ollahgi Pravoslavnoit pruazniekat.

Kirikkölöin da prihodan kodiloin nostandu ainos oli rahvahan tärgei dielo. Nygöigi hil'l'akkazin omal väil kuda-midä avuttajen salvettih seinät, levo, ruaduo vie on äijy. Joga Pyhiäpäiviä, kuni ei ole lundu da suurii vihmoi, pihal Ristalluo pannah malittuloi tulien nedälin dieloloin todevundah niškoi, puaksuh pietäh subotniekkoi, kabrastellah srojindulomuloi da toppii, varustetah pahois lavvois da puuloin rungolois halguo viluh aigah, katetah mual haudoi, puhtastetah da čomendetah paikkua. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat