Vienan Karjala

Kirjutukset vienankarjalakse

Algu sadavuozil

Zavodal valettuloi puuškii suau nähät Petroskoin gubernuattoran puistos. // Kuva: Ol'ga Smotrova

Vuvven 1705 lopus Lohi-joven rannale nostettih nahkan azuttavu ruadoperti. 1706 vuvvel muasteri Maksim Artemjev, hänen abuniekat Gavrila Nikiforov da toizet perustettih juakkuriloin valmistamine. Srojimizen lopendan aijal zavodan nimi muutettih suarin Pedrin I kunnivokse, kudaman piätöksen mugah rodih zavodu.

Enzimäi laitos nimitettih “Uuzi-Petrovskoin rauduzavodu”, a jälles ‒ “Anuksen Petrovskoi ravvan da puuškienluajindu zavodu”. Sil aigua zavodas oldih: domennoi, suluandu, paja, pal’l’u, juakkuri, takardus, poruandu, raudulangu, žesti, nahku, lukkuloin, puusepän fuabrikku da hiimielline laboratorii. A vie oli natodielo azuttu puuškien koittelukohtu Zarekal joven tagan. Kaikkiedah zavodal oli läs 40 tuotandollistu huonustu.

Pitky Pohjaine voinu Petrovskoin zavodas vuadii äijän tuotehtu. Domennoi ozasto, suluandu- da poruandutoimistot ruattih ynnnällizet suutkat kahteh vuoroh. Tuottehet oldih hyvät. Piälimäzet zavodan valmistamizet oldih valmistamizet artilerien, ammundan da vilut ammunduvehkehien azundat. Zavodas azuttih orožoi, pistoliettoi, saldatoin pystömiekkoi, ofitsieroin kortiekkoi da pystimii. Petrovskoin zavodan puuškat perrettih vihaniekkoi Lesnoin vieres, Poltuavan, Rigan, Viborgan luo, Gaagutan da Grengaman lohkol.

Vuvvel 1711 ruvettih piästämäh kiirehellizesti ambujii puuškii. Voinan aigah zavodu azuigi rauhallistu tavarua: kattiloi, labjoi, piloi, podkovoi, nuagloi, riehtilöi, huuhmariloi, veiččii, vilkoi, tsirkuliloi, nožniččoi da tuohuksien aluksii.

Vuvvel 1712 Pedri I käskyn mugah Petrovskoin zavodu annettih Admiralteistvan valdah. Vuvven 1713 talvikuul Anuksen zavodoin piämiehekse pandih Viljam Genninua. Petroskoin zavodal häi keksii  vielruadajan mašinan, kudual sai yhtelaigua porata kolme ammunduvehkehty...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat