Vienan Karjala

Kirjutukset vienankarjalakse

Ukko da akku – kuldua vakku

Svetlana da Edik kazvatetah kolme lastu. Nuorimale Sofija-tyttärele on vai vuozi igiä.

Svetlana da Edik Nikitinat eletäh Jessoilas da kazvatetah kolme tytärdy. Svetlana on nuori naine, konzu näet hänen tyttären, 17-vuodizen neidizen, ga et usko, ku ollah hyö muamo da tytär. Pienin tyttöhäi tuandoi täytti vuvven. Pertiseinäl suuril kirjaimil oli kirjutettu ven’akse: Roindupäiväl!

Minä kyzyin Svetal, ongo jygei olla kolmen lapsen muamannu? Dai vie lapset ollah eri igiä.

– Minä ylen äijäl suvaičen lapsii. Konzu vahnin Anna lähti opastumah linnah, keskimäine Ol’ga-tytär oli jo školan jälgimäzis kluasois. Minul midälienne rodih igävy, igävöičin sidä elostu, konzu ainos olet hommis, konzu tunnet lapsikämmenen lämmiä, vastai Sveta...

Svetlanan ukko Edik Vladimirovič ruadau šouferinnu, kois häi on huolenpidäi tuatto – lugou lapsile kniigua, pyhinpäivin lähtöy lapsienke suskittamah libo vedäy kogo perehen linnah. Edik on hyvä koin ižändy, suvaiččou kävvä meččäh, kalah, hommuau omua ogrodua, auttau kodiruadolois omua muamuagi – Valentina Mihailovnua.

Svetlana löyhki hyväl uudizel – terväh hyö ruvetah nostamah omua kodii, muapala sih niškoi on jo suadu. Molodoit ei tahtota eliä kunnostetus fatieras, ku mollembat ollah kazvannuot karjalazis kylätalolois...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat