Vienan Karjala

Kirjutukset vienankarjalakse

Olisbo vai tahtuo

Alina Gapejeva on äijän midä tuonnuh perih omas koispäi. // Kuva: Jelena Filippova

Nuožarveläzet nikonzu valmistu ei vuoteta. Kerran sanottih, ku pidäy heile karjalaine perti, sit ei ruvettu bokaspäi abuu vuottamah, eigo ni kirjuttamah suurii projektoi. Iče ottavuttih ruadoh dai ruattih se.

Karjalaine perti on luajittu kirjaston tiloih. Ezmäi kyläs duumaittih löydiä mitah kodi da luadie perti sinne. Ga konzu kačottih kai, ga erähäs talois late oli hapannuh, toizes loukkoloil kai, paikkuandua rodis äijy. Sendäh ruvettih luadimah pertii kirjaston huonuksih. Ei ni net oldu ylen hyväs kunnos. Pidi seinät vähäzel kohendua, typitä da kruassie. Ga kui sanotah nuožarveläzet, konzu ylen tahtot midägi ruadua, ruat sen.

Ruattih kaikin yhtes, yhtehizil väil suadih perti ruadamah. Dengua kohenduksih näppizin konzu kuspäi suadih. Autoi kylän piälikkö L’ubov’ Ponomar’ova, kudai kannattau kyläläzien joga ruadostu. Autoi Karjalan Rahvahan Liiton kylän ozasto. Pandih kohenduksih dengatgi, kudamat suadih myödylöis iččeh luajittulois azuteksis. Autettih kyläläzet. Kengo kruaskua toi, kengo štukaturkua, kengo kistii. Niken bokkah ei jiännyh...

Seinäle – päčči, pertih – vahnua veššii

Kirjaston ruadajat Alina Gapejeva da Irina Pavlova otettih äijät ruavot iččeh hardieloile. Konzu pidi abuniekkua, ga pihale kirruttih, niken siiriči astujis ei kieldävynnyh avus. Alina mualai kai kirjaston seinät – piirusti pertih päčin da zuavesit, toizeh pertih – kylän kodiloinke, lapsien tiloih – kukoin da kanan... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat