Vienan Karjala

Kirjutukset vienankarjalakse

Ruado menöy täytty vägie

Leningruadan ymbäröičyksen kestäi Anna Mariševa jo hätken aigua eläy Veškelykses. // Kuva: L’ubov’ Prisoškova

Kirjastos ainos on äijy rahvastu: hyö tullah ottamah kniigoi, pagizemah lugietus, lugemah lehtilöi da tiijustamah uudizii. Vuvven allus täs piettih Oma tulehmo- da Omamualazet-yhtistyksien kerähmöt. Alguh oli pandu perindölline kodirannan tiedäjien kilbu – “Veškelyksen tiedäjät”. Rahvas kerryttih Tat’t’anan päivän illačule. Kyläläzile saneltih tämän päivän karjalazes literatuuras, lapsile luajittih ekskursii “Kirjan kodi” da vie äijy midä muudu. Kirjaston tilois rubei ruadamah tansukerho lapsile, kudamas opastajannu on Anna Dekunova.

Tuhukuun 2. päivänny Omamualazet-yhtistys keräi rahvastu vastavuksele, kudamas paginkanzannu oli Leningruadan ymbäröičyksen kestäi Anna Mariševa. Inehmine jo hätken aigua eläy Veškelykses. Händy hyviteltih Veteruanoin nevvostolazet da Yhtesikunnallizen nevvoston rahvas, lahjoitettih inehmizele omat lahjat. Kyläläine Natalja Klementejva lugi omii runoloi, kudamat omisti kaikile sillozes Leningruadas olluzile. Anna Mariševal tämä vastavus ylen äijäl lämmitti syväindy. Häi kiitti kaikkii, semmite kylän feršalii Vera Iljinua da “kylän kaikkien eläkeholijoin poigua”, kui ce sanoi, Lev Vorobjovua... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat