Vienan Karjala

Kirjutukset vienankarjalakse

Teatterin uuši elämä

Kalevalan rahvahan teatterin uuši näytelmä pohjautuu karjalaisih starinoih. // Kuva: Nadežda Vasiljeva

Näytelmän pohjašša ollah karjalaiset starinat. Karjalan tašavallan anšijoitunut kulttuuriruataja Valentina Saburova oli kiäntän šen käsikirjutukšen karjalan kielen vienan murtehella. Hiän on spektaklin ohjuajanaki.
Šuurin oša Kalevalan teatterin näyttelijistä ollah karjalan kielen ta kulttuurin alalla toimijan Uhut-šeuran jäšenie. Näytelmän ohjuamista varoin oli kehitetty projekti, kumpani šai tukie Karjalan kulttuuriministerijöltä alovehellisen tarkotušohjelman puittehissa.
Näytelmäššä esiinnytäh kuin Kalevalan rahvahan teatterin artistat, niin ni Lintuset-päiväkojin kašvatit. Pienokaisilla še oli enšimmäini esityš piirin lavalla, ka hyö hyvin pärjättih pienien, vesselöjen ta rauhattomien tipasien roolissa.
Talvikuun 18. päivänä Kalevalan rahvahan teatteri täytti 55 vuotta. Pitäy šanuo, jotta eri šyistä teatteri oli muutoman vuuvven unohukšissa, ei ollun uušie spektaklija eikä enši-iltoja. Tolkutoin kukko -näytelmä šytytti uuvven elämän teatterin luomistyöh. Še tuaš keräsi yhteh entisie artistoja, kumpaset esiinnyttih Kalevalan teatterilavalla monie vuosie. Näytelmän enši-iltana Kalevalan kulttuuritalon aulašša oli ašetettu valokuvanäyttely Kalevalan rahvahan teatterin istorijašta. Kaččojat šuatih nähä valokuvie teatterin elämäštä eri vuosilta.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat