Vienan Karjala

Kirjutukset vienankarjalakse

Uvvenalastu tutkimustu Päivännouzu-Suomen yliopistos

Päivännouzu-Suomen yliopistos ruvetah todevuttamah kahtu suurdu projektua, kudamat koskietah kiännöksii.

Enzimäzes  projektas ruvetah tutkimah kaunehkirjalližuon kiändämisty karjalan kielele Suomes da Ven’al. Toizen projektan piätavoittehennu on tarita karjalan kielen maltajile nygyaigastu, yliopistoloile pättäviä kiändäjänopastustu. Mollembii projektoi finansiiruijah suomelazet fondat: enzimästy Emil Aaltozen Fondu (Emil Aaltosen Säätiö) da tostu Konehen Fondu (Koneen Säätiö).

Kiändämine da varavonalazen kielen elvyttämine

Syvyskuus 2014 Emil Aaltozen Fondu andoi Päivännouzu-Suomen yliopiston tutkijoile 210 000 jevron suuruzen rahoituksen tutkimusprojektah, kudaman tavoittehennu on tutkie kiändämisty vähembistö- da varavonalazien kielien kontekstas. Finansiiruičendu on nellivuodehine. Projektan yhtenny tutkimusobjektannu on kiändämine karjalan kielen elävyttämizes Ven’al Karjalan Tazavallas da Suomes. Tarkoituksennu on sellittiä kiändämizen käytändehii da merkičysty varavonalazen kielen elvyttämizes. Kyzehes on tutkimuskyzymys, kudamua aijembas kiännöstiijollizes tutkimukses ei ole kačeltu.

Enzimäzes projektas tutkijannu ruadau ezim. filosoufien magistru Riikka Iso-Ahola, kudai tutkiu kaunehkirjalližuon kiändämisty karjalan kielele. Mainitus aihies Iso-Ahola kirjuttau väitöskirjua Päivännouzu-Suomen yliopiston ven’an kielen da kiändämizen ozastol. Tutkimusprojektan johtajannu on germaanien kielen da kul’tuuran abulasprofessoru Leena Kolehmainen...

Lugijan mielii
  • Tamara Scerbakova09.01.2015 | 16:39
    Tämä projektu hyvin avvuttau tulijoil kirjutuksil lapsih näh, niidy vois tulla nygöi pättävii jo suurembil, vie tiettäväine pidäs avvuttua uuzien opastuskniigoin kirjuttail, ku niidy on jo annettu opastus ozastol , skolis ei ole, a skuapois virutah. tiettäväine meile kirjuttaile pidäs ruadua yhtes, sit toven tuldas uvvet tämänaigazet kniigat karjalan kielel, kudualoi lugiettas nuoret dai vahnembat.
Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat