Vienan Karjala

Kirjutukset vienankarjalakse

Muilu

Valentinan päiväkse Anastasijan dovarišat suadih lahjakse muilusyväimet. // Kuva: Ol'ga Smotrova

Mibo on muilu? Muilan pohjannu ollah luonnollizet voit, kudamat pätäh ristikanzan nahkan pestäväkse. Sidä voibi huomata, konzu syöt käil robl’ol pastettuu razvastu lihua. Paiči sidä muilua käytetäh vie sobii, astieloi da muuloi talovusvehkehii pestes..   

Erähäs muilankeitändytavas saneli Uvven Vilgan kylän eläi Anastasija Skutar’. Anastasija opastau karjalan da suomen kieldy Suomelas-ugrilazes školas, kusgi piimmö paginua. Keräl Nast’al oli oma “muilupaja”.

– Rubein keittämäh muilua, sendäh ku minun nahkah niškoi ei päi laukas ostettu muilu. Omah muilah niškoi minä käytän vai luonnollizii ainehii, en ota nimidä keinolluajittuu, en pane sinne nimidä ni duuhukse, nigo mujukse.  Muilanpohjua on eri luaduu, minä otan vai net, kudamih ei kuulu SLS. Muilanpohju voibi ostua luakas libo tilata internetan kauti, sellittäy Anastasija.

Nast’an “muilupajas” nygöi on kaksi muilupohjua: enzimäine on luajittu kozanmaijon pohjal, toine – glitserinan pohjal (glitserin hyvin kostuttau nakua). Paiči muilanpohjua neidizen “muilupajas” on kaikenmostu efiiruvoidu, enimät kudamis on tuodu Jegiptaspäi, voidu-pohjua libo orguanistu voidu (tartukkivoi, oliivuvoi da vinogruaduvoi), aptiekas ostettuu heiniä – počinheiniä, dušmankua da laminaariedu, myös kosmetiekkusavie, čomua bumuagua lahjoih niškoi da pienet viesat...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat