Vienan Karjala

Kirjutukset vienankarjalakse

Kaččokkua , meijän Vienuo ozutetah!

Tädä kolmeminuuttistu epizoudua, kus Ol’ga pagizou Marija Nikolajevnanke kuvattih puolitostu čuassuu. Kummene päiviä meni joga seerien kuvuandah.

“Luadogah” nähte

Vuvven 1941 talvi. Nälgähine da vilu Leningruadu. Häi on intelligentnoi inehmine Ol’ga, kudual käzil on voimatoi poigu. Viele mennes Ol’ga öntästyy da pakkuu muale. Rinnale pakkuu kylmänyh čiučoi, kuduan häi ehtiy kattua käil enne toizii nälgähizii. Nygöi hänen poijale rodieu čiučoikeittuo pitkäkse aigua…

Luadoga-kinofil’mas Ol’gan roulis on Ven’an tundiettu artistu Ksenija Rappoport. Hänen susieduakkua Marija Nikolajevnua ozuttau Karjalas hyvin tundiettu artistu Vieno Kettunen.

Ol’ga piättäy lähtie Leningruadaspäi iäres. Hänel da poijal tulou ajua Luadogan jiädy myö. Sidä dorogua n:o 101 vie sanotah ”Eloksen dorogu”...

Meigäläine tundiettu artistu moskovalazien keskes

Kui lienne piiteriläzet luajitti artistoin kartotiekkua. Sinne puutuigi meigäläine, Karjalas hyvin tundiettu artistu Vieno Kettunen.

– Sih meidy kuvattih, jogahine saneli, midä tahtoi. A konzu ristikanzu pagizou, kerrashäi nägyy, ken häi on, kerdou Vieno Grigorjevna.

Sit erähiči Vieno Kettuzele soitti Luadoga-fil’man ohjuajan abulaine da kehoitti tämän fil’man stsenaarien lugiettavakse. Se miellytti Vieno Grigorjevnua, ga häi uskoittau, ku fil’mu rodih vie parembi.

– Tiijäthäi, moine on hyvä se ohjuaju. Moizen kel himoittau yhty ruaduo ruadua. Olen ylen hyväs mieles da kiitolline, ku puutuin heijän joukkoh. Kaikin sie oldih hyvät da nerokkahat akt’ourat. Fil’man TV:s ozutettuu minä soitin ohjuajale da hyvittelin händy. Hyögi työtäh minule tervehytty...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat