Vienan Karjala

Kirjutukset vienankarjalakse

Čurčettai ojaine

Priäžän päivykoin kazvatit ylen hyvin da heliesti pajatettih festivualis karjalakse. // Kuva: Jelena Filippova

Festivualin kielennygi oldih karjal da suomi. Festivualin vedäjät, karjalan kielen opastai Nina Barmina da suomen kielen opastai Tatjana Uljanova, kaiken aigua paistih yksi karjalakse, toine suomekse. Omal ezimerkil ozutettih lapsile, ku meijän kielet, pagin enne kaikkie on karjalan kieles, pätäh joga kohtah. Heidy kuunneltes oli hyvä mieles, ku kuulithäi hyviä puhtastu karjalan kieldy.

Lapset omis opastajis ni yhty ei jiädy jällele. Allus pruazniekkua pajatettih Priäžän piirin muga sanottu gimnu ”Vai Karjalan mua on kaikis paras”. Ylen hyvin da helieh. Pajattamas sidä oli Priäžän školan brihaččuloin hora  – enämbi kolmiekymmendy brihaččustu tuli pajattamah sidä lavale. Yhtes heijänke pajattigi tämän pajon kirjuttai, priäžäläine Aleksandr Saveljev. Moine oli pruazniekan algu.

Toine toizele jälles sit lavale tuldih pajattamah Priäžän školan lapset. Kuulimmo heis pajuo karjalakse da suomekse, jo hyvin tuttuu da uuttu. Uuzien, tämän päivän pajoloin joukos oli meigäläzen pop-joukon ”Anna tullan” pajogi. Hyviä mieldy oli nähtä pikkaraziigi pruazniekan gostii. Priäžän päivykoin lapset ylen ravieh hol’aitettih kaksi pajuo karjalakse. Omua neruo tuldih ozuttamah sežo kylän Pilli-joukon lapset. Hyö, sanakse, enzi kerdua joukon kerättyy nostih lavale. Ga eibo varattu da huijusteltu ni vouse, ruttoh pajatettih da tansittih...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat