Hyvät lahjat vuozipäiväkse

Uuttu vuottu vaste Petroskoin lapsien päivykodi n:o 20 ”Lumikello” täytti 40 vuottu. Täs päiväkois vuvves 2009 lapsii harjaitetah karjalan kieleh kielipezä-metoudiekan mugah. Hyvänny lahjannu päiväkodile vuozipäiväkse rodih voitto Opastusministerstvan kilvas Paras muamankielen perti -nominatsies. Pruazniekan aigah kielipezä-joukon kazvattajatgi Mirja Hotejeva da Marija Volhonova tiijustettih, ku roittih kilvan voittajikse Muamankielen urokku- nominatsies. Karjalan Rahvahan Liiton puoles kielipezän kazvattajat suadih kiitändykirjazen nuoren polven karjalan kielen opastamizes da harjattamizes.