Vienan Karjala

Kirjutukset vienankarjalakse

Kirjaimikkuo suurendetah

Karjalan kielen kirjaimikkoh ližätäh vie yksi kirjain

Se roih c-kirjain, kudaman tilas tässäh käytetäh ts-yhtymiä. Sen puoles iänestettih Karjalan da vepsän kielien sanasto-da oigiehkirjutuskomissieh kuulujat rahvas yhtehizel kerähmöl, kudai piettih uuttu vuottu vaste. Piätöksen karjalan kielen kirjaimikon suurendamizes nygöi ualekirjuttau Karjalan tazavallan piämies.

Komissien puoleh kiänyttih lyydiläzien puoles Suomes ruadai Lyydiläinen seura da sen nimes lyydiköi Lidija Konovalova. Hyö kyzyttih ližätä karjalan kielen kirjaimikkoh kaksi kirjaindu: c-kirjain da ü, kudai vuodessah 2007 oli käytös livvin murdehes.

Yhtelläh sanastokomissieh kuulujat kielentiedäjät da tiedomiehet suostutettih lyydiläzii kompromissah: yhtehizeh karjalazeh kirjaimikkoh jiäy yksi y-kirjain, eihäi yhty y-iändy voi merkitä kerras kahtel kirjaimel, se vai segavuttau opastujii. Ga c-kirjain voibi ližätä kirjaimikkoh, ku sidä vastuau eri iäni lyydin murdehes, ezimerkikse sanas mec, ’meččy’. Tämä c-kirjain toinah pädöy livgiläzile da varzinkarjalazilegi.

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat