Vienan Karjala

Kirjutukset vienankarjalakse

Lammil šeikkailut

Spektaklin ozutandas autettih Kulkuset-tansujoukon lapset. // Kuva: Ol'ga Smotrova

Minun mustamal ga se oli onnuako enzimäine moine suuri Uvven vuvven pruazniekku lapsile, kudai luajittih Kanzallizien kul’tuuroin keskukses. Vie sygyzyn allus keskuksen ruadajat uskaldettih ottavuo täh ruadoh da kuččuo pruazniekkah midä vai vois enämbi lastu.

Lammil šeikkailut -spektakli ozutettih nelli päiviä peräkkäi Uuttu vuottu vaste, kaksi kerdua päiväs. Lastu kaččomah sidä kaikkiedah kävyi enämbi kolmiesadua hengie. Tuldih Petroskoih kyläläzet lapsetgi, Šokšun kyläspäi.

Lapsile smietin spektakli rodih mieldy myöte. Hyö ei vai kačottu sidä, ga iče oldihgi sen ozanottajinnu. Vedehiezen dovarišat tavattih heidy, suadih omih verkoloih. Ga hyvä mečän emändy piästi lapset. Yhtes mečän emändänke lapset arbailtih arbaituksii, viettih kruugua kuuzes ymbäri, pajatettih Uvven vuvven pajoloi.

Uvven vuvven pruazniekannu tapahtui kummuagi. Pruazniekkah tuli Pakkasukko. Oligo sendäh sit lapsil ihastustu. Pakkasukko sytytti kuuzele ”tuluot”, toi lahjat da yhtes lapsienke pidi iluo da vesseliä pruazniekas. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat