Vienan Karjala

Kirjutukset vienankarjalakse

Palkinto nuorilla kirjuttajilla

Oksana Čurigina on Kipinän piätoimittajan virkua toimittaja. Hiän valmistau šuomenkielisie numeroja.

Tänä vuotena lauriaattijen palkiččomini piettih talvikuun lopušša Petroskoin Taitehmusejošša. Vuuvven 2013 Juakko Rugojevin stipennin šai Oksana Čurigina, kumpani kirjuttau vepšän kielellä.

Oksana Čurigina on petroskoilaini. Hiän opaštu koulušša numero 38 ta šen jälkeh Petroskoin valtijonyliopiston Itämeren šuomelais-ugrilaisien kielien ta kulttuurin tietokunnašša, karjalan ta vepšän kielien ošaštolla.

– Miun pereheššä vain ämmöni on karjalaini. Lapšešta kuulin karjalaista pakinua, miušta še oli tavallini asie. Onnakko vepšän kieleštä en kuullun mitänä ta piätin tutkie šitä. Še oli mitä lienöy uutta, kertou Oksana.

Vuotena 2010 Oksana lopetti yliopiston ta rupesi ruatamah vepšänkieliseššä Kodima-leheššä. Jo Kodima-leheššä hiän kiinnoštu lapšien teemah. Näin ilmešty enšimmäisie pienie kertomukšie ta starinoja.

Oksana vuuvven ruato leheššä ta šiitä hänellä ehotettih työpaikka lapšien Kipinä-aikakaušleheššä. Enšin kirjuttaja valmisti vepšänkielisie numeroja. Juuri tällä paikalla voit yhistyä tuotantuo ta työtä. Nyt Oksana on Kipinän piätoimittajan virkua toimittaja ta valmistau šuomenkielisie numeroja.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat