Vienan Karjala

Kirjutukset vienankarjalakse

Pere

Loppih pruazniekku Andrei Makarevičan ”Rastavan paijol” – enzimäi algai Miša Filippov gituaranke, a sit toine toizen jälles nostih lavale toizetgi prihodan nuoret // Kuva: Valentina libertsova

Jo kolmattu kerdua  se meni gu pravoslavnoi  Rastavan festivuali ”Viflieman tiähti”. Joga vuottu täh pidoh ečitäh midätahto uuttu, eriluadustu. Tänävuon azuttih vähembi kilbua, lyhembi ozutelmu, ga enimytteh ozua otettih pruazniekas kaikel perehel – lapsienke lavale nostihgi heijän vahnembat.

Varustuo Rastavah ruvettih jo ligakuus - vähästy enne Rastavan Pyhän alguu. Pruazniekkua varustettih prihodan vuoh yhtes puolespäi, školan opastajien da opastujien vuoh toizes puolespäi. Uskojat, enimytteh nuoret perehet, kudamis on päivykodih da algukluassoih käyjiä piendy lastu, rakkahal täytetäh omii tiedoloi Jumalan elaigah da hristianskoloih perindölöih näh Pyhänpäivän školas Jumaldoman Iverskoin  obrazan časovnan tuvel. Sie lugiettih da saneltih toine toizele Bibliedu da toizii pyhii kirjutuksii, paistih Boris-papinke omah putillizeh elaigah niškoi, varustettih čomenduksii ikkunoih da kuuzih, opastuttih Rastavan pajoloi da malittuloi. Tuatto Boris (Pugovkin) on ainavo meijän mual karjalaine pappi. Jeroilan Spuasan Kazitäluajitun obrazan kirikös lugietah malittuloi karjalakse, hyvitelläh pappii jälgiaijal sežo karjalakse, se on hänel mieleh. Buat'ušku toivottau, gu olis Puhänpäivän školasgi Jumalan  Sanan opastustu livvikse. Se auttas uskojile olla oman muan da rahvahan tozi suvaiččijannu dai lapsile parembi opastuo urokoil muamankieldy. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat