Vienan Karjala

Kirjutukset vienankarjalakse

Livgiläzis livvikse

Anuksen muzein ruado ei ole kiini vaiku eksponuatoin keriändäh da ezitändäh. Muzeis luajitah kaikenmostu programmua da ozutelmuagi. // Kuva: Ol'ga Smotrova

Pruazniekku algavui ekskursies muzeidu myöte. Muzein ruadai L’udmila Tuttureva saneli livvikse Anuksen rannan histouries da anukselazien elokses, ozutteli sidä kaikkie midä nygöi on muzein alallizis ozuttelulois. Anuksen muzeis pidämäh ekskusieloi livvikse ruvettih kaksi vuottu tagaperin. Rahvastu nämminny vuozin niilöile on käynnyh hyvin. L’udmila Tuttureva sanou, mennyt vuon, ku se oli Karjalan kielen vuozi, on käynnyh äijy školaniekkua. Inehmine on sidä mieldy, ku ruaduo školienke tuliel pidäy kehittiä, ku paiči linnalazii lapsii nämmile ekskursieloile käydäs kyläläzetgi lapset. L’udmila Tuttureva löyhki, ku Suures Sellisgi nygöi hyö sanellah kyläs livvikse. Kyläs muzeil on oma taloi da joga vuottu sih tulou äijy rahvastu, turistuagi.

Kai algavui puuhizes souhkas

On Anuksen muzeis oma ozutteluzualu, kudamah vuvven aloh luajitah kaheksin-yheksin ozutteluloin. Vuozi vältämättäh alletah uvves ozuttelus da avatah se ainos muzein roindupäivänny. Ei ni tänävuon, konzu on muzein vuozipäivy, ruvettu kieldävymäh perindös – avattih uuzi ozuttelu. Pandih sih kačottavakse puuhizii vehkehii. Eibo ni petties. Puuhizii vehkehii muzeis ruokos on enämbi kaikkie. Ozutteluh pandih yheksäkymmen kaikkiedah. On niilöin joukos enzimäine muzein eksponuattu, kudamas 55 vuottu tagaperin kai algavuigi. Se on puuhine souhku jauhoh niškoi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat