Vienan Karjala

Kirjutukset vienankarjalakse

Uuzis vahnois tilois

Kirjastuo tuldih hyvittelemäh sen lugijatgi. // Kuva: Ol'ga Smotrova

Veškelyksen kirjasto äijän kerdua muutteli yhtes taloispäi toizeh. Oman 110-vuozipäivän, kudai piettih kyläs enne Uuttu vuottu, kirjasto pidi uuzis kohendettulois tilois.

Pädöy nygöi ruadua uuzis tilois. Lämmät ollah, vezi tulou – ei pie kandua dai kohendetut. Veškelyksen kirjasto ruadau nygöi Etnokeskuksen talois, kudai jälgivuozien aigah sai kohendua ECHO-projektan hantuzis. Sit samazes talois kirjasto ruadoi ennegi, vuodessah 2004, kuspäi muutti endizeh kylän administratsien taloih.

L’ubov’ Grigorjevna Prisoškoval, kirjaston emändäl, on vähäzel pahua mieldy muutettuu, ku nygöi ei kai rahvas voija tulla kirjastoh. Vahnembale polvele jygiettävy on nosta mäele. Ga duumaičemmo, ei ni hyö ruveta siiriči astumah, nouzetellah kirjastoh – maltoihäi omal aigua L’ubov’ Grigorjevna luadie kirjastos se kohtu, kunne tullah da kiirehetäh tulemah kai kyläzet. Kirjasto Veškelykses toven on se kohtu, kudai yhtistäy kaikkii kyläläzii. Se on kohtu, kudamas rattahile on pandu äijy ruaduo da projektua, kudamat koskietah karjalazii da karjalastu kul’tuurua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat