Vienan Karjala

Kirjutukset vienankarjalakse

Vieretä runokerä

Uuzi kniigu roih hyväkse lugemizekse lapsile. // Kuva: Ol'ga Smotrova

Tatjana Baranovan runot on hyvin tuttu Kipinä-žurnualan lugijoile. Runot “Tytti” da “Kaži da maido” terväh roittih kuulužat päivykodiloin da školien kazvattiloin keskes. Runoloin hyvät da toiči nagrettavat s’užietat kebjieh painutah lapsile mieleh.

Tuandoi nägi päivän valgien Tatjana Baranovan enzimäine Runokerä-kniigu. Sih on kerätty runuo, kižua da arbaitustu. Kai net on kirjutettu juuri lapsih niškoi, ga hyvin pätähgi karjalan kieldy opastujile.

Enzimäzet runot Tatjana Baranova kirjutti vuvvennu 2003 runolugijoin kilbah niškoi. Silloi omas ruavos häi sai Vladimir Brendojevan palkindon. Runoloi lapsih niškoi Tatjana rubei kirjuttamah, konzu hänel rodih bunukku. Kahtenkymmenen kaheksan vuvven Anuksen školan opastajannu ruattuu Tatjana Baranova jo hyvin tiedäy, kui pidäy kirjuttua lapsih niškoi: “Runoloi, kui kerdomuksiigi kirjutan kebjieh luaduh, ku net oldas ellendettävät. Tiijän, ku lapsile on jugiettavu opastuo kieldy, pidäy, štobi kai olis selgei”...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat