Vienan Karjala

Kirjutukset vienankarjalakse

Kat’an mustokse

Jekaterina Nikolajevna suvaičči kaikis enimite, tiettäväine, omua bunukkua – Ol’ua. Mit vai kilvat joukkoviestimis libo kul’tuuran alal – Jekaterina Nikolajevna sie dai nevesky Alina ainos rinnal. // Kuva: Ol'ga Smotrova

Karjalaine Ivaniston kylä Jessoilan lähäl, mandžoižikot, kuduat omis runolois kuvai Tamara Morozova. Täh kyläh lapsekkahah souhozan brigadieran da laukan myöjän pereheh rodivui Katti. Tuatto Nikolai Andrejevič da muamo Tatjana Andrejevna kazvatettih omii lapsii suvaijen da ruadoh opastajen.

Kezän aigua ikkunat kois kahtalleh, lapset – järvirannas. Buabo maltoi kaikkii syöttiä, ruadoh azettua, piiruat pastua da vie pertih tulluzii pagizuttua – souhozan brigadieran talois oli ainavo kyläs telefon, sidägi dieluo kyläläzet Vasiljevih käydih.

Täs talois ainos piettih žiivattua – lehmiä, vazua, lammastu, istutettih kartohkua suurel pellol. Nikolai Vasiljev hos oli мшккфы ristikanzu da opastui Viiborgas puolovehen školas, syväinjuurissah oli kyläläine – huoli kylvöaigua, heinargie, uudizen keriändiä. Ei žiälöinnyh iččie, omua tervehytty. Aijois huondeksel häi ajoi souhozan autobusal da tuli kodih myöhä illal. Hänellyö tuldih pienii dai suurii probliemoi da hommii sellittämäh, kuibo toizin, ku häi oli piälimäine valdu kyläs.

Lapsekkahan perehen emändy Tatjana Vasiljeva sežo ainos ruavos da hommis: lapset syöttiä-juottua, žiivatat kaččuo, kodi por’adnas pidiä. Suovattoin kylyn jälles suvattih ukko da akku pajattua yhtes lammen rannal, heijän heliet iänet kuuluttih kaikele kyläle. Raviet, čomat da ozakkahat, hyö oldih vuotettavat gost’at joga talois, joga perehes. Lapsetgi perittih heijän rakkahuon da čomuon.

Omat omembat

Lapsis vahnin Katti piäzi opastumah kul’tuuruopistoh da ijän kaiken ruadoi kul’tuuran alal. Praktiekale häi tuli Nuožaven kyläh, kus löydi oman vastinehen da rodih omakse täs kyläs.

Nuožaven kul’tuurutalois mittustu vai pruazniekkua ei pietty. Pruazniekkupidoloih tuli nuordu dai vahnua, lastu dai ruavastu. Tiä tansittih karjalastu kadrielii da pajatettih helevii karjalazii pajoloi. A mittuzii diskotiekkoi piettih, ga niilöih tuli linnalastu da vie suurembazis linnois.юю

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat